O‘zbekiston Prezidenti I darajali “Manas” ordeni bilan taqdirlandi
Iyul 30, 2026. 16:50 • 2 daq
• 121
TOSHKENT, 30-iyul. /“Dunyo” AA/. Bugun Cho‘lponota shahrida O‘zbekiston Prezidenti Shavkat Mirziyoyevni I darajali “Manas” ordeni bilan taqdirlash marosimi bo‘lib o‘tdi, deb xabar bermoqda “Dunyo” AA muxbiri.
Davlatimiz rahbari matbuot xizmati maʼlumotiga ko‘ra, Qirg‘iz Respublikasining yuksak mukofotini O‘zbekiston Prezidentiga Prezident Sadir Japarov topshirdi.
O‘zbekiston yetakchisi qardosh Qirg‘iziston Prezidenti va xalqiga chuqur minnatdorlik bildirib, ushbu mukofotni ikki xalq o‘rtasidagi ko‘p asrlik do‘stlik va yaxshi qo‘shnichilik rishtalarini mustahkamlash borasidagi birgalikdagi saʼy-harakatlar hamda O‘zbekiston va Qirg‘iziston munosabatlarini yangi tarixiy bosqich – ittifoqchilik darajasiga olib chiqishga qaratilgan mushtarak intilishlarning yuksak eʼtirofi sifatida qabul qilishini taʼkidladi.
1996-yilda taʼsis etilgan “Manas” ordeni Qirg‘iz Respublikasining oliy davlat mukofotlaridan biri hisoblanadi. Respublika va xorij fuqarolariga davlatchilik va xalqaro hamkorlikni mustahkamlash, xalqlar o‘rtasida tinchlik, do‘stlik va o‘zaro anglashuv rishtalarini rivojlantirishga qo‘shgan ulkan hissasi uchun beriladi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Markaziy Osiyo va Ozarbayjon Prezidentlari Qirg‘izistondagi ilk xalqaro toifadagi golf klubining ochilish marosimida ishtirok etdilar
O‘zbekiston va Qirg‘iziston Prezidentlari Cho‘lponota shahrida o‘tgan samarali muzokaralar yakunlarini sarhisob qildilar
O‘zbekiston va Qirg‘iziston Prezidentlari Ittifoqchilik munosabatlari to‘g‘risidagi shartnomani imzoladilar
Cho‘lponota shahrida O‘zbekiston – Qirg‘iziston ko‘p qirrali hamkorligini rivojlantirishning ustuvor yo‘nalishlari muhokama qilindi
