O‘zbekiston elchisi Vengriya mudofaa vaziri bilan uchrashdi
Iyun 30, 2026. 14:30 • 55 soniya
• 122
BUDAPESHT, 30-iyun. /“Dunyo” AA/. O‘zbekiston elchisi Oybek Shahavdinov Vengriya mudofaa vaziri Romulus Rusin-Sendi bilan uchrashdi, deb xabar bermoqda “Dunyo” AA muxbiri.
Muloqot chog‘ida tomonlar mudofaa sohasidagi O‘zbekiston–Vengriya hamkorligining bugungi holati va rivojlanish istiqbollarini atroflicha muhokama qildi. Shuningdek, ikki mamlakatning tegishli idoralari o‘rtasidagi sheriklik aloqalarini yana-da kengaytirish masalalari yuzasidan fikr almashildi.
Suhbat davomida asosiy eʼtibor mudofaa sanoati va harbiy taʼlim sohalaridagi hamkorlikni rivojlantirish, shuningdek, tomonlarni qiziqtirgan o‘zaro manfaatli qo‘shma loyihalarni hayotga tatbiq etish imkoniyatlariga qaratildi.
Uchrashuv yakunida tomonlar konstruktiv hamkorlikni izchil davom ettirishdan ikki tomonlama manfaatdor ekanini taʼkidladi. Shuningdek, mudofaa sohasidagi O‘zbekiston–Vengriya sherikligini yana-da mustahkamlash maqsadida muntazam aloqalarni saqlab turishga kelishib oldi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston va Singapur mutaxassislari ekstremizmga qarshi ilmiy yondashuvlarni muhokama qildi
Rossiyada o‘zbekistonlik ofitserlarga oltin medallar va imtiyozli diplomlar topshirildi
