TOSHKENT, 29-noyabr. / “Dunyo” AA/.  2025-yilning yanvar-oktyabr oylarida O‘zbekistonga sayyohlik maqsadida 9,7 million nafar xorijiy fuqaro tashrif buyurdi, deb xabar qilmoqda “Dunyo” AA muxbiri.

Statistika qo‘mitasi maʼlumotlariga ko‘ra, sayyohlar oqimi o‘tgan yilning mos davriga nisbatan 3,2 million kishiga yoki 50 foizga o‘sgan.

O‘n oy davomida sayyohlar jami 197 ta davlatdan tashrif buyurgan.

Sayyohlarning jins kategoriyasi bo‘yicha taqsimoti:

Erkaklar – 5 million 273 ming 836 kishi,

Ayollar – 4 million 458 ming 82 kishi.

Tashrif buyuruvchilarning yosh bo‘yicha taqsimoti quyidagicha:

18 yoshgacha – 1280688

19–30 yosh – 1590907

31–55 yosh – 4888764

56 yosh va undan katta –1971559

Qo‘mita maʼlumotida qayd etilishicha, sayohatchilarning asosiy qismini 31–55 yoshdagi shaxslar tashkil etib, ular umumiy sayyohlar oqimining yarmidan ko‘piga to‘g‘ri keladi.