Toshkent va Abu-Dabi o‘rtasida yangi aviaqatnov yo‘lga qo‘yildi
Avgust 10, 2026. 19:00 • 53 soniya
• 121
ABU-DABI, 10-avgust. /“Dunyo” AA/. “Etihad Airways” aviakompaniyasi tarixida ilk bor Abu-Dabi–Toshkent yo‘nalishi bo‘yicha muntazam parvozlar yo‘lga qo‘yildi, deb xabar qilmoqda “Dunyo” AA muxbiri.
Aviaqatnovning ochilishiga bag‘ishlangan marosimda “Etihad Airways” katta vitse-prezidenti Xolid Al Ali va O‘zbekistonning BAAdagi elchisi Umid Shodiyev ishtirok etdi.
To‘g‘ridan-to‘g‘ri qatnovning yo‘lga qo‘yilishi poytaxtlar o‘rtasidagi transport aloqalarini mustahkamlash, ishbilarmonlik va turistik safarlarni kengaytirishga xizmat qiladi. Shuningdek, aviakompaniyaning xalqaro tarmog‘i orqali Toshkentdan Abu-Dabi orqali boshqa mamlakatlarga safar qilish imkoniyatlari ham kengayadi.
“Etihad Airways”ning O‘zbekiston bozoriga kirib kelishi xalqaro aviakompaniyalarning mamlakatga qiziqishi ortib borayotganidan dalolat beradi. Bu, o‘z navbatida, transport-logistika, turizm va ishbilarmonlik aloqalarini rivojlantirish uchun qo‘shimcha sharoit yaratadi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekistonning sayyohlik salohiyati Turkiyadagi 1,5 mingdan ortiq savdo nuqtalarida namoyish etilmoqda
Sankt-Peterburgda “Konsul” jurnalining O‘zbekiston va Rossiya hamkorligiga bag‘ishlangan maxsus soni nashr etildi
