TOSHKENT, 11-iyun./ "Dunyo" AA/. Yevropa Ittifoqi delegatsiyasi rahbari, elchi Toyvo Klaar "Dunyo" AA uchun intervyusida 9-12-iyun kunlari O'zbekiston poytaxtida bo'lib o'tayotgan Toshkent xalqaro investitsiya forumi haqidagi fikrlarini bildirdi:

– IV Toshkent xalqaro investitsiya forumi O'zbekiston uchun ham, Markaziy Osiyo uchun ham katta ahamiyatga ega. U keng doiradagi ishtirokchilarni birlashtiradi. Ayniqsa, Yevropa Ittifoqi va O'zbekiston o'rtasidagi munosabatlar nuqtai nazaridan, forum davomida Yevropa Ittifoqining ikki oliy martabali delegatsiyasi mamlakatimizda bo'lganini alohida ta'kidlash joiz. Bundan tashqari, tadbir doirasida Slovakiya va Bolgariya uchun ikkita alohida biznes-forum o'tkazilmoqda, bu esa Yevropa Ittifoqi va O'zbekiston o'rtasidagi o'zaro hamkorlikning yuksak darajada ekanligini ko'rsatadi.

O'zbekiston islohotlar jarayonida uzoq yo'lni bosib o'tdi. Ko'p yutuqlarga erishildi va O'zbekiston sezilarli yutuqlarga erishdi. Endi islohotlarni amalga oshirishda maqsadli olg'a intilishda davom etish muhim.