TOSHKENT, 4-sentabr. /"Dunyo" AA/. 1-sentabr – O'zbekiston Mustaqilligi kuni yurtimizda va xorijda keng nishonlandi, deb xabar "Dunyo" AA muxbiri.

E’tiborlisi, ushbu sana munosabati bilan dunyoning eng mashhur binolari va manzillarida O'zbekiston davlat bayrog'i tasvirlandi.

Jumladan, Kanada va AQSH chegarasidagi Niagara sharsharasi, Dubaydagi mahobatli Burj Xalifa va Abu-Dabidagi eng baland "Adnoc" binosi, Hindistondagi qadimiy Qutb Minor, Dohadagi "Sheraton Grand" va Pokiston poytaxtidagi "Mövenpick" mehmonxonalari yurtimiz bayrog'i ranglariga burkandi.

Ushbu loyihalar O'zbekistonning jahondagi yuksak obro'-e’tiboridan dalolat beradi. Ularda ochiqlik va modernizatsiya yo'lidan dadil ketayotgan davlatimizga bo'lgan hurmat-ehtirom o'z ifodasini topdi. Bugun O'zbekiston jadal va izchil taraqqiyoti, demokratik rivojlanish sari intilishi orqali sayyoramizning turli burchaklarida munosib e’tirofga sazovor bo'layotir.