Misr hukumati tomonidan taqdim etilgan C gepatitiga qarshi dori vositalarining oltinchi turkumi O'zbekistonga yetkazildi
Fevral 25, 2024. 12:11 • 41 soniya
• 597
QOHIRA, 26-fevral. /"Dunyo" AA/. Joriy yilning 24-fevral kuni «Uzbekistan Airways» aviakompaniyasi Misr hukumati tomonidan mamlakatimizga insonparvarlik yordam sifatida ajratilgan C gepatitiga qarshi "Sofosbuvir-400mg" dori vositasining joriy yildagi oltinchi turkumini Sharm ash-Shayxdan Toshkentga yetkazib berdi, deb xabar bermoqda "Dunyo" AA muxbiri.
Umumiy 12 ta qutida joylashtirilgan 6720 dona "Sofosbuvir-400mg" dori vositalari O'zbekiston Sog'liqni saqlash vazirligi huzuridagi Virusologiya ilmiy-tekshirish instituti tomonidan shifotalab bemorlarga taqsimlanadi.
O'zbekistonning Misrdagi elchixonasi ma'lumotiga ko'ra, ushbu mamlakat hukumati tomonidan 2025-yilga qadar umumiy qiymati 4,2 million AQSH dollariga teng bo'lgan jami 800 ming dona (40 tonnaga yaqin) C gepatitiga qarshi "Daklatasvir" va "Sofosbuvir" V gepatitiga qarshi "Entekavir" dori vositalarini insonparvarlik ko'magi sifatida O'zbekistonga taqdim etilishi bo'yicha kelishuvga erishilgan.
2023-yil davomida umumiy qiymati 696 ming dollarga teng bo'lgan mazkur nomdagi dori vositalari mamlakatimizga taqdim etildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston bojxonachilari Jahon bojxona tashkiloti seminarida qatnashdi
Doha forumi doirasida Termiz muloqotining strategik ahamiyati taqdim etildi