OSTONA, 17-yanvar. /Dunyo" AA/. O'zbekiston Prezidenti Shavkat Mirziyoyev transport xizmatlari eksporti hajmini 3 milliard AQSH dollariga yetkazish bo'yicha topshiriq berdi, deb xabar bermoqda "Dunyo" AA muxbiri.

"Kazinform" xalqaro axborot agentligi ma'lumotiga ko'ra, mazkur topshiriq transport-logistika tizimini yana-da rivojlantirish chora-tadbirlari bo'yicha taqdimotda belgilangan.

Qayd etilishicha, so'nggi yetti yilda O'zbekistonda yuk tashuvchi avtotransport vositalari soni 7 barobarga oshib, 26 mingtaga yetdi, xalqaro yuk tashuvlarida mahalliy tashuvchilarning ulushi 35 foizdan 60 foizni tashkil qilmoqda.

"G'arbiy yo'nalishda yuklarni yetkazib berish muddati ikki baravarga, xarajatlar esa 1,5 baravarga oshdi. Yevropa davlatlari chegaralaridagi ayrim o'tkazish punktlari yopiq, boshqalarida uzoq navbatlar hosil bo'lgan. Shu munosabat bilan transport-logistika tizimini izchil rivojlantirish va tashqi savdo yo'nalishlarini diversifikatsiya qilish zarurligi ta'kidlandi", – deya O'zbekiston Prezidenti matbuot xizmati ma'lumotidan iqtibos keltiradi agentlik.

Ta'kidlanishicha, mahalliy ekspeditorlarni qo'llab-quvvatlash uchun ularning xalqaro tashuvlardagi xizmatlari uchun QQS bekor qilinadi. Bu, o'z navbatida, ularning bozordagi ulushini 45-50 foizgacha oshirish imkonini beradi. Shuningdek, jarayonlarni yaxshilash uchun chegarada elektron navbatni joriy etish, o'tish vaqtini 20 daqiqagacha qisqartirish va transportning onlayn-monitoringini joriy etish taklifi bildirildi.