STOKGOLM, 2-dekabr. /“Dunyo” AA/. Mamlakatimiz elchixonasi diplomatlari Shvetsiyaning Lund va Malmyo shaharlarida istiqomat qilayotgan vatandoshlar bilan uchrashdi, deb xabar bermoqda “Dunyo” AA muxbiri.

Uchrashuvda Lund va Malmyo universitetlarida professor, ilmiy tadqiqotchi bo‘lib ishlayotgan vtandoshlar, tibbiyot, muhandislik, sunʼiy intellekt kabi yo‘nalishlarda faoliyat yuritayotgan bir guruh hamyurtlarimiz ishtirok etdi.

Muloqotning asosiy mavzusi konsullik-huquqiy masalalar, O‘zbekiston–Shvetsiya o‘rtasidagi fan, taʼlim va innovatsiyalar sohasidagi aloqalarni kengaytirish istiqbollari bo‘ldi.

So‘nggi yillarda O‘zbekiston oliy taʼlim muassasalari va tegishli davlat tashkilotlarining Lund universiteti bilan turli loyihalar, jumladan, huquqiy islohotlarni qo‘llab-quvvatlash, yashirin iqtisodiyot va noqonuniy migratsiyaga qarshi kurash sohalaridagi ilmiy-tadqiqot aloqalari rivojlanmoqda.