TOSHKENT, 24-aprel. /"Dunyo" AA/. O'zbekiston Prezidenti Shavkat Mirziyoyev va Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov bugun Samarqand shahridagi Kongress markazining Faxriy mehmonlar xiyobonida birgalikda eman daraxtini ekdilar, deb xabar qilmoqda "Dunyo "AA muxbiri.

Davlatimiz rahbari matbuot xizmati ma'lumotiga ko'ra, marosim ikki qardosh xalq o'rtasidagi ko'p asrlik mustahkam do'stlik va yaxshi qo'shnichilik rishtalari, O'zbekiston-Turkmaniston strategik sheriklik munosabatlarini yana-da rivojlantirish borasidagi qat'iy intilishning ramzi bo'ldi.