TOSHKENT, 8-iyul. /"Dunyo" AA/. O'zbekiston Prezidenti Shavkat Mirziyoyev bugun "Gazprom neft" kompaniyasi boshqaruvi raisi Aleksandr Dyukovni qabul qildi, deb xabar bermoqda "Dunyo" AA muxbiri.

Davlatimiz rahbari matbuot xizmati ma'lumotiga ko'ra, Rossiyaning ushbu yetakchi kompaniyasi bilan neft-gaz majmuasida o'zaro manfaatli hamkorlikni tegishli "yo'l xaritasi"ga muvofiq rivojlantirishning istiqbolli rejalari ko'rib chiqildi.

Geologiya-qidiruv ishlarini olib borish, murakkab konlarni o'zlashtirish, sohani raqamlashtirish, talab yuqori bo'lgan mutaxassislarni tayyorlash bo'yicha qo'shma chora-tadbirlar va kooperatsiya loyihalarini amalga oshirishga alohida e'tibor qaratildi.