LONDON, 18-dekabr. /“Dunyo” AA/. O‘zbekiston Tibbiy turizm assotsiatsiyasi delegatsiyasi Londonga tashrif buyurdi, deb xabar qilmoqda “Dunyo” AA muxbiri.

Tashrif davomida sohaga doir hamkorlik yuzasidan

Buyuk Britaniya Biznes va savdo vazirligining Sog‘liqni saqlash bo‘yicha hamkorlik boshqarmasi hamda “Independent Health Providers Network” muassasasi bilan ikki tomonlama uchrashuvlar o‘tkazildi.

Unda “Imperial College Healthcare Private Care”, “King Edward VIIs Hospital”, “Circle Health Group” muassasalarining taqdimoti namoyish etildi.

Shuningdek, “University College London Hospitals”, “Proton International London”, “HCA Healthcare UK”, “The London Clinic”, “Priory and London Psychiatry Clinic”, “Phoenix Hospital” “Cromwell Hospital”, “Chelsea Westminster Hospital Private Care” hamda “Cleveland Clinic London” kabi eng nufuzli tibbiyot muassasalariga sayyor tashriflar amalga oshirildi.

Muzokaralarda xorij tomoniga assotsiatsiya va uning faoliyati yuzasidan maʼlumotlar berildi.

Uchrashuvlar yakunida tomonlar o‘zaro aloqalarni yanada rivojlantirish, Britaniyadagi ilg‘or klinik innovatsiyalar yo‘nalishlarida hamkorlik qilish, mutaxassislarni tayyorlash va ularning malakasini oshirish hamda qo‘shma ilmiy tadqiqotlar olib borish yuzasidan kelishuvlarga erishdi.