TOSHKENT, 9-may. /"Dunyo" AA/. O'zbekiston Prezidenti Shavkat Mirziyoyev bugun Moskvada Ikkinchi jahon urushidagi G'alabaning 80 yilligiga bag'ishlangan tantanali tadbirlarda qatnashdi, deb xabar qilmoqda "Dunyo" AA muxbiri.

Davlatimiz rahbari matbuot xizmati ma'lumotiga ko'ra, O'zbekiston yetakchisi Moskvada Ikkinchi jahon urushidagi G'alabaning 80 yilligiga bag'ishlangan tantanali tadbirlarda ishtirok etish doirasida XXR Raisi Si Szinpin, Tojikiston Prezidenti Emomali Rahmon, Misr Prezidenti Abdulfattoh as-Sisi, Vyetnam Kompartiyasi Markaziy qo'mitasi Bosh kotibi To Lam, Serbiya Prezidenti Aleksandr Vuchich va Falastin Prezidenti Mahmud Abbos bilan norasmiy uchrashuvlar o'tkazdi.