KUPERTINO, 1-sentabr. /"Dunyo" AA/. Amerikaning Kaliforniya shtati Kupertino shahrida Xalqaro bolalar festivali bo'lib o'tdi, deb xabar qilmoqda "Dunyo" AA muxbiri.

Unda San-Fransisko shahridagi o'zbek hamjamiyati vakillari faol ishtirok etishdi. Festival doirasida mamlakatimizning Nyu-York shahridagi Bosh konsulxonasi bilan birgalikda O'zbekistonning boy madaniy merosi va zamonaviy yutuqlariga bag'ishlangan ko'rgazma tashkil etildi.

O'zbekiston ko'rgazmasi festivalning ko'plab mehmonlarida katta qiziqish uyg'otdi va "Tadbirning eng yaxshi ko'rgazmasi" deya e'lon qilindi.

AQShdagi o'zbek hamjamiyatining mazkur tadbirda ishtiroki xorijdagi vatandoshlarning milliy o'zligini saqlash va madaniyatini keng targ'ib qilish yo'lidagi navbatdagi qadam bo'ldi.