MAGADAN, 11-iyun. /"Dunyo" AA/. O'zbekistonning Vladivostok shahridagi Bosh konsulxonasi xodimlari Rossiyaning Magadan viloyatiga safarlari davomida hududdagi jazoni ijro etish muassasalarida saqlanayotgan vatandoshlar bilan uchrashuv o'tkazdilar, deb xabar qilmoqda "Dunyo" AA muxbiri.

Mazkur muassasalar vakolatli xodimlari bilan kechgan suhbat jarayonida bu yerda saqlanayotgan vatandoshlarimiz muammolarini tezkorlik bilan hal etish maqsadida elchixona va ijro etish muassasasi o'rtasida amaliy hamkorlikni yo'lga qo'yish bo'yicha fikr almashildi.

Markazda vatandoshlarni saqlash, ularning tibbiy va boshqa zarur yordamlarni olishi, shuningdek, yaqin qarindoshlari bilan telefon muloqotlarini tashkil etish shartlariga alohida e'tibor qaratildi.