VARSHAVA, 13-sentabr. /Dunyo" AA/. O'zbekiston Veterinariya va chorvachilikni rivojlantirish qo'mitasi delegatsiyasi Polshada bo'ldi, deb xabar bermoqda "Dunyo" AA muxbiri.

Tashrif davomida delegatsiya Pulavi shahridagi Davlat veterinariya ilmiy-tadqiqot instituti, Lyublin, Malopolska, Podkarpakki, Quyi Sileziya, Lodz va Buyuk Polsha voyevodaliklarining mahalliy veterinariya inspeksiyalarida uchrashuvlar o'tkazdi va bir qator go'shtni qayta ishlash korxonalarida audit o'tkazdi.

Tekshiruv natijalarini muhokama qilish uchun o'zbekistonlik inspektorlar Polsha bosh veterinari o'rinbosari Pavel Meyer bilan natijalarni tahlil qildilar.

Muloqot chog'ida veterinariya va chorvachilik sohalaridagi ikki tomonlama hamkorlikning bugungi holati va uni yanada kengaytirish istiqbollari atroflicha muhokama qilindi.

Oziq-ovqat xavfsizligi, mahsulot sifatini nazorat qilish va veterinariya sohasida xalqaro standartlarga javob beradigan tizimlarni joriy etish masalalariga alohida e'tibor qaratildi.

Tomonlar ikki davlat o'rtasidagi o'zaro savdo hajmini yanada oshirish va qo'shma loyihalarni amalga oshirishga kelishib oldilar.