DEHLI, 30-sentyabr. /"Dunyo" AA/. O'zbekiston milliy terma jamoasi Dehli shahrida bo'lib o'tayotgan para yengil atletika bo'yicha jahon chempionatidagi muvaffaqiyatli ishtirokini davom ettirmoqda, deb xabar bermoqda "Dunyo" AA muxbiri.

Bugun kunning birinchi yarmida Bobirjon Omonov yadro uloqtirish bahslarida (F41 toifasi) 12,36 m natija ko'rsatib, kumush medalni qo'lga kiritdi.

Shu tariqa, mamlakatimiz vakillari chempionatning hozircha bitta oltin, to'rtta kumush va bitta bronza medalini jamladi.

Joriy yil 7-oktyabrgacha davom etadigan jahon chempionati 2028-yilgi yozgi Paralimpiya o'yinlari uchun muhim saralash bosqichi hisoblanadi.