TOSHKENT, 19-sentabr. /"Dunyo" AA/. Kecha poytaxtimizda badminton bo'yicha Markaziy Osiyo chempionatining tantanali ochilish marosimi bo'lim o'tdi, deb xabar qilmoqda "Dunyo" AA muxbiri.

Milliy Olimpiya qo'mitasi ma'lumotiga ko'ra, marosimda O'zbekiston ekologiya, atrof-muhitni muhofaza qilish va iqlim o'zgarishi vaziri, mamlakat badminton federatsiyasi raisi Aziz Abduhakimov, sport vaziri Adham Ikramov, oliy ta'lim, fan va innovatsiyalar vaziri Qo'ng'irotboy Sharipov, shuningdek, Osiyo Badminton federatsiyasi mas'ullari ishtirok etib, mamlakatimizda sport taraqqiyoti bo'yicha olib borilayotgan ishlar haqida so'z yuritdilar va musobaqa ishtirokchilariga omad tiladilar.

Eslatib o'tamiz, 22-sentabrga qadar davom etadigan mazkur turnirda 7 mamlakatdan 100 nafarga yaqin sportchi ishtirok etmoqda.

Dasturga ko'ra, sportchilar U-15, U-17 va U-23 yosh toifalarida jamoaviy, yakkalik, juftlik va miks yo'nalishlarida g'oliblik uchun bahs olib boradi.