ABU-DABI, 22-sentyabr. /"Dunyo" AA/. O'zbekiston elchixonasi va Birlashgan Arab Amirliklarining "Holiday factory" sayyohlik kompaniyasi o'rtasida "Wonders of Uzbekistan" loyihasini amalga oshirish to'g'risida bitim imzolandi, deb xabar qilmoqda "Dunyo" AA muxbiri.

Hujjatga muvofiq, loyiha 2025-yil 1-oktyabrdan – 2026-yil 31-martgacha amalga oshiriladi. "Holiday factory" sayyohlik kompaniyasi O'zbekistonning asosan qish mavsumidagi turizm salohiyatini targ'ib qiladi, turizm infratuzilmasiga nisbatan bo'sh bo'lgan davrda sayyohlarni jalb etadi.

Targ'ibot davrida kompaniya BAAdan kafolatlangan 2 ming sayyohni O'zbekistonga safarini uyushtirish vazifasini o'z zimmasiga oldi.