TOSHKENT, 21-may. /"Dunyo" AA/. Shu yilning 6-8-iyun kunlari qadimiy Buxoro shahrida XXI an'anaviy Ipak va ziravorlar festivali bo'lib o'tadi, deb xabar qilmoqda "Dunyo" AA muxbiri.

Tadbir doirasida yorqin taqdimotlar o'tkaziladi, xususan, sharqona ziravorlar hamda mahalliy ipak va paxtadan tayyorlangan mahsulotlar – o'zbek xonatlasi, adras va ikat yarmarkalari tashkil etiladi.

Shuningdek, festival kun tartibidan turli musiqiy chiqishlar, etno-moda namoyishlari, xalq amaliy san'ati ko'rgazmalari, turli ko'ngilochar tadbirlar va gala konsertlar o'rin olgan.