SKIYERNEVITSA, 12-avgust. /"Dunyo" AA/. O'zbekiston diplomatlari Polshaning Skiyernevitsa shahridagi "Tha National Institute of Horticultural Reasearch" ilmiy-tadqiqot instituti faoliyati bilan tanishdilar, deb xabar qilmoqda "Dunyo" AA muxbiri.

Safar doirasida institut rahbariyati va professor-o'qituvchilar va tadqiqotchilar bilan uchrashuvlar bo'lib o'tdi. Unda institutning ilmiy-tadqiqot faoliyati, xususan bog'dorchilik, o'simliklar genetikasi, biotexnologiya, tuproqshunoslik va agrotexnika sohalaridagi innovatsion loyihalari xususida fikr almashildi.

O'zbekistonning qishloq xo'jaligi va eksport salohiyatini oshirish maqsadida institutning ilmiy-amaliy tajribasini o'rganish va qo'llash imkoniyatlari muhokama qilindi. Ayniqsa, mahsulotlarni eksport qilish jarayonida innovatsion texnologiyalar va yuqori zamonaviy yondashuvlarni joriy etish masalalariga alohida e'tibor qaratildi.

Uchrashuv yakunida O'zbekistonning tegishli ilmiy-tadqiqot muassasalari va "InHort instytut ogrodnic" instituti o'rtasida hamkorlikni rivojlantirish, tajriba almashish va qo'shma loyihalarni amalga oshirish bo'yicha kelishuvga erishildi.