LYUBLYANA, 6-iyun. /"Dunyo" AA/. O'zbekiston elchisi Oybek Shaxavdinov (qarorgohi Budapesht shahrida joylashgan) Sloveniya oliy ta'lim, fan va innovatsiyalar vaziri Igor Papich bilan uchrashdi, deb xabar qilmoqda "Dunyo" AA muxbiri.

Vazir Igor Papich muloqot avalida O'zbekiston Prezidentining 2025-yil 21-22-may kunlari Sloveniyaga buyurgan rasmiy tashrifi chog'ida erishilgan kelishuvlarni to'liq amalga oshirishga qat'iy sodiqligini ta'kidladi.

Shuningdek, Sloveniya tomoni hamkorlikning ustuvor yo'nalishlari, jumladan, akademik almashinuv, til dasturlarini ishlab chiqish, shuningdek, ta'lim va kadrlar tayyorlash sohasida qo'shma tashabbuslarni amalga oshirish bo'yicha faol hamkorlikka tayyorligini tasdiqladi.

Ikki davlatning tegishli idoralari va oliy o'quv yurtlari o'rtasidagi hamkorlikni mustahkamlashga qaratilgan qator amaliy qadamlar bo'yicha kelishuvga erishildi.

Tomonlar keyingi harakatlarni muvofiqlashtirish maqsadida ikki tomonlama muloqotni davom ettirishga kelishib oldilar.