TOKIO, 29-oktyabr. /"Dunyo" AA/. O'zbekiston diplomatlari Xiroshima prefekturasi assambleyasining Xalqaro tinchlik va turizm qo'mitasi raisi, Liberal-demokratik partiyasi a'zosi Keyji Ebisu bilan onlayn uchrashuv o'tkazdilar, deb xabar qilmoqda "Dunyo" AA muxbiri.

Muloqot davomida yapon tomoniga mamlakatimizning ijtimoiy-iqtisodiy hayotida parlament rolini oshirish, demokratik jarayonlarni qo'llab-quvvatlash, hududlarni rivojlantirish borasida mahalliy Kengashlarning faoliyati haqida so'zlab berildi.

Keyji Ebisu shu yil noyabr oyida Xiroshima prefekturasi assambleyasi raisi Takashi Nakamoto boshchiligidagi delegatsiyaning mamlakatimizga tashrifi rejalashtirilgani ma'lum qildi.

Tashrif davomida O'zbekiston va Xiroshima prefekturasi o'rtasida parlamentlararo, turizm va mehnat migratsiyasi yo'nalishlarida hamkorlik masalalari muhokama qilinadi.