Ўзбек халқи буюк халқ, Наврўз унинг куч-қудрати ва бирлигини ифодалайди
Март 22, 2025. 07:48 • 44 сония
• 83
ТОШКЕНТ, 22 март./"Дунё" АА/. Наврўз байрамига бағишланган тантаналарда иштирок этган Озарбайжон элчиси Гусейн Гулиев "Дунё" АА учун интервьюсида ўзбек халқини ушбу баҳор байрами билан табриклади:

– Ўзбекистон халқини баҳор, янгиланиш ва бунёдкорлик рамзи – Наврўз олам билан чин қалбимдан табриклайман. Бу ёрқин байрамда ўзбек халқининг улуғворлиги, чуқур анъаналари, матонати ва равнақига интилиши ўз ифодасини топган.
Сўнгги йилларда Ўзбекистон барча соҳаларда ажойиб ўсиш ва тараққиётни намойиш этди. Президент Шавкат Мирзиёев раҳнамолигида иқтисодиёт, ижтимоий соҳа ва халқаро ҳамкорликни мустаҳкамлашга қаратилган кенг кўламли ислоҳотлар изчил давом эттирилмоқда. Бу ютуқлар Ўзбекистон улкан салоҳиятга, келажакка интилаётган халққа эга давлат эканининг яққол тасдиғи бўлди.
Ўзбек халқи ўз анъаналарини сақлаб, дадил олға интилаётган буюк халқдир. Наврўз унинг куч-қудрати, бирдамлиги ва янги марралар сари интилиш тимсоли.
Қардош Ўзбекистон халқига тинчлик, фаровонлик ва янада муваффақиятлар тилайман.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Стефан Краевский: Ўзбекистон Польшанинг Марказий Осиёдаги асосий ҳамкори
Европа Иттифоқи – Марказий Осиё: муҳим стратегик лойиҳалар амалга оширилмоқда