ОҚТОВ, 24 октябрь. /"Дунё" АА/. Ўзбекистон Бош консулхона ташаббуси билан Қозоғистоннинг янги Солиқ кодексига экспорт бўйича киритилган ўзгаришларга бағишланган вебинар ўтказилди, деб хабар қилмоқда "Дунё" АА мухбири.

Вебинарда Ўзбекистон озиқ-овқат саноат уюшмаси, Ўзбекистон мебель ва ёғочсозлик саноати корхоналари уюшмаси, Ўзбекистон Савдо-саноат палатаси қошидаги Савдо ривожлантириш корхонаси, Ўзбекистон қурилиш материаллари саноати уюшмаси вакиллари қатнашди.

Ўзбекистон экспортчилари учун Қозоғистон солиқ тизимидаги ўзгаришлар, хусусан тўлов миқдорларининг оширилганининг сабаблари ва тўлаш тартиблари тушунтирилди.

Ўзбекистонлик экспортчилар ўртасида мазкур ўзгаришларни тарғиб қилиш мақсадида Қозоғистон Британия Савдо палатаси ва халқаро "Ernst & Young" консалтинг компанияси қўшма тадбирларни ташкил этишга келишиб олинди.