СТОКГОЛЬМ, 30 октябрь. /"Дунё" АА/. Наманган вилоятидаги "Nateco Impex" МЧЖ ва Швециянинг "Midyat Import AB" компаниялари ўртасида консерваланган ток барги маҳсулотини етказиб бериш бўйича шартнома имзоланди, деб хабар қилмоқда "Дунё" АА мухбири.

Ўзбекистон дипломатик ваколатхоналари томонидан олиб борилаётган иқтисодий дипломатия доирасидаги ишлар натижасида миллий маҳсулотларнинг Скандинавия бозорларига экспорти оқими ва номенклатураси тобора ортиб бормоқда.

Хусусан, Стокгольм шаҳрида ўтказилган Ўзбекистон миллий маҳсулотлари ярмаркасининг натижаси ўлароқ, Наманган вилоятининг "Nateco Impex" МЧЖ ва Швециянинг "Midyat Import AB" корхоналар ўртасида консерваланган ток барги маҳсулотини етказиб бериш бўйича экспорт шартномаси имзоланди.

Ушбу маҳсулотнинг биринчи партияси июнь ойида, кейинги партияси эса октябрь ойида экспорт қилиниб, Швециянинг йирик савдо тармоқлари расталарида жойлаштирилди.