ТОШКЕНТ, 1 февраль. /«Дунё» АА/. Ўзбекистон фуқаролари 4 февралдан эътиборан Эронга 15 кунгача визасиз саёҳат қилишлари мумкин, деб хабар бермоқда «Дунё» АА мухбири.

Эроннинг Тошкентдаги дипломатик миссияси маълумотига кўра, Ўзбекистон фуқароларига Эронга ҳар олти ойда бир марта визасиз кириб, 15 кун қолишлари учун виза олишлари талаб қилинмайди.

Шуни таъкидлаш керакки, бошқа турдаги визалар учун тартиблар ўз кучида қолади.

Эслатиб ўтамиз, Бирлашган Араб Амирликлари 16 февралдан бошлаб Ўзбекистон фуқароларини 30 кундан ошмаган муддатда ушбу мамлакат ҳудудида бўлишлари даврида виза талабларидан озод этади.