ТОШКЕНТ, 7 сентябрь. /"Дунё" АА/. Хитойнинг Гуйчжоу провинциясида жойлашган Ҳуажянг Гранд Каньон кўприги жорий сентябрь ойи охирида режалаштирилган тантанали очилишга тайёргарлик доирасида беш кун давомида ўтказилган юк кўтариш синовларидан муваффақиятли ўтди, деб хабар бермоқда "Дунё" АА мухбири.

Мутахассис муҳандислик текширув жамоаси тузилманинг турли нуқталарида 96 та машина (йўловчи ва юк автомобиллари)ни стратегик жиҳатдан жойлаштирган ҳолда юк кўтариш синовини қатъий тарзда ўтказди. Ушбу мукаммал баҳолаш кўп вазнли юк остида кўприкнинг конструкциявий барқарорлиги ва умумий чидамлигини аниқлашга қаратилган эди.

Дараё водийсидан 625 метр (2083 фут) баландликда кўтарилган Ҳуажянг Гранд Каньон кўприги тўлиқ фойдаланишга топширилганидан сўнг жаҳон бўйича янги рекордларни ўрнатиши кутилмоқда.

У нафақат дунёдаги энг баланд кўприк, балки тоғли ҳудудда қурилган энг катта кўприк сифатида ҳам тарихда ўзига хос из қолдиради. Мутахассисларга кўра, мазкур лойиҳа муҳандислик истиқболлари ва инфратузилмани ривожлантириш соҳасидаги муҳим ютуқлардан бири бўлади.