ТОШКЕНТ, 26 апрель. /"Дунё" АА/. Ўзбекистон ташқи ишлар вазири Бахтиёр Саидов кеча Кувайт ташқи ишлар вазири Абдулла Али Ал-Яҳё билан телефон орқали мулоқот қилди, деб хабар бермоқда "Дунё" АА мухбири.

"Кувайт ташқи ишлар вазири Абдулла Али Ал-Яҳё жаноблари билан телефон орқали очиқ ва самимий мулоқот қилдик, – деб ёзди Ўзбекистон ТИВ раҳбари ўзининг telegram-каналида. – Суҳбатимиз давомида Ўзбекистон ва Кувайт ўртасидаги дўстона ва мустаҳкам алоқаларни янада ривожлантириш масалаларини муҳокама қилдик. Шунингдек, сиёсий, иқтисодий ва маданий соҳаларда муносабатларимизни кенгайтириш имкониятларига эътибор қаратдик.

Марказий Осиё ва Кўрфаз минтақаси ўртасидаги кўприкларни мустаҳкамлаш йўлидаги ўзаро ҳамкорлигимиз учун миннатдорлик билдирамиз".