ТОШКЕНТ, 8 сентябрь. /“Дунё” АА/. Кеча Ўзбекистон ташқи ишлар вазирининг биринчи ўринбосари Баҳромжон Аълоев Қатар Ташқи ишлар вазирлиги бош котиби, Цивилизациялар альянси қўмитаси раиси Аҳмад бин Ҳасан ал-Ҳаммадий билан учрашди, деб хабар қилмоқда “Дунё” АА мухбири.

ТИВ маълумотига кўра, учрашувда Ўзбекистон ва Қатар ўртасидаги икки томонлама муносабатларни янада мустаҳкамлаш, сиёсий, савдо-иқтисодий ҳамда маданий-гуманитар соҳалардаги ҳамкорликни кенгайтириш масалалари муҳокама қилинди.

Шунингдек, қўшма тадбирларни амалга ошириш, ўзаро ташрифлар алмашиш ва халқаро анжуманларни ҳамкорликда ташкил этиш юзасидан зарур чора-тадбирларни биргаликда кўришга келишиб олинди.

“Дунё” АА сурати