ТОШКЕНТ, 18 сентябрь. / “Дунё” АА/. Ўзбекистон ташқи ишлар вазири ўринбосари Бобур Усманов Қозоғистон элчиси Ерали Тугжанов билан учрашув ўтказди, деб хабар қилмоқда “Дунё” АА мухбири.

ТИВ маълумотига кўра, мулоқот давомида томонлар сиёсий, савдо-иқтисодий ва маданий-гуманитар соҳалардаги ҳамкорликни кенгайтириш масалаларини муҳокама қилди, шунингдек, икки мамлакат делегациялари иштирокидаги тадбирлар жадвали ҳамда халқаро ташкилотлар доирасидаги ҳамкорлик юзасидан фикр алмашилди.

Томонлар Ўзбекистон-Қозоғистон муносабатларини янада чуқурлаштиришга қаратилган ташаббусларни биргаликда илгари суриш ва мунтазам алоқаларни давом эттиришдан ўзаро манфаатдор эканликларини тасдиқлади.

 “Дунё” АА сурати