ТОШКЕНТ, 13 февраль. /"Дунё" АА/. Ўзбекистон ташқи ишлар вазирининг ўринбосари Олимжон Абдуллаев Словакия элчиси Виктор Борецки билан учрашди, деб хабар қилмоқда "Дунё" АА мухбири.

ТИВ маълумотига кўра, учрашувда Ўзбекистон фуқароларининг Словакияга меҳнат миграциясини ташкил этиш, ушбу соҳадаги қонунчилик базасини ривожлантириш ва мустаҳкамлаш билан боғлиқ масалалар муҳокама қилинди. Ўзбекистондан юқори малакали кадрлар тайёрлаш учун Словакиядан мутахассисларни жалб этишга алоҳида эътибор қаратилди.

Томонлар меҳнат миграцияси ва кадрлар тайёрлаш шароитларини яхшилашга қаратилган икки томонлама ҳамкорликни ривожлантиришни давом эттиришга келишиб олдилар.

"Дунё" АА олган сурат