ҚОҲИРА, 25 апрель. /"Дунё" АА/. Жорий йилнинг 29-30 апрель кунлари Самарқанд шаҳрида "Мотуридийлик – бағрикенглик, мўътадиллик ва маърифат таълимоти" мавзусида халқаро илмий-амалий анжуман бўлиб ўтади, деб хабар қилмоқда "Дунё" АА мухбири.

Ўзбекистоннинг Қоҳирадаги элчихонаси маълумотига кўра, мазкур халқаро тадбирда Миср вакиллари фаол иштирок этади.

 Хусусан, Миср вақф ишлари вазири Усома ал-Азҳарий, Бош муфтий Назир Айёд ва Ал-Азҳар Уламолар кенгаши аъзоси Али Жумъа Самарқанд шаҳрига келиши режалаштирилган.

 Миср  расмий вакилларининг ташрифи юртимизнинг халқаро миқёсда нуфузи ошиб бораётгани, сўнгги йилларда Ўзбекистон-Миср ҳамкорлиги барча соҳаларда ривожланаётган бир даврда, маърифий соҳадаги ўзаро мулоқот ҳам дўстона руҳда амалга оширилаётганининг яққол исботидир.

Таъкидлаш жоизки, мамлакатимизда диний-маърифий соҳада олиб борилаётган кенг кўламли ислоҳотлар жамият тараққиёти ва фаровонлиги, миллатлараро ва динлараро ўзаро бағрикенглик ва тотувликни таъминлашда муҳим аҳамият касб этмоқда.