Ostona va Samarqand o‘rtasida aviareys soni ko‘payadi
Январ 22, 2026. 16:54 • 55 сония
• 1047
OSTONA, 22-yanvar. /“Dunyo” AA/. “Qazaq Air” aviakompaniyasi Ostonadan Samarqandga parvozlar sonini haftasiga ikki martadan uchtaga oshiradi, deb xabar bermoqda “Dunyo” AA muxbiri “inbusiness.kz” axborot agentligiga tayanib.
Qayd etilishicha, 2026-yil 4-martdan boshlab aviakompaniya Ostona–Samarqand–Ostona yo‘nalishi bo‘yicha qo‘shimcha reysni yo‘lga qo‘ymoqda. Juma va yakshanba kunlari amalga oshiriladigan parvozlarga chorshanba kungi parvozlar qo‘shiladi.
Ostona – Samarqand yo‘nalishi bo‘yicha aviachiptalar narxi 30 366 tenge (721 192,5 so‘m) dan boshlanadi.
“Qazaq Air” aviakompaniyasi 2025-yil noyabr oyidan boshlab Qirg‘iziston va O‘zbekistonga muntazam xalqaro reyslarni amalga oshirib kelmoqda. Shu davrda ushbu yo‘nalishlarda qariyb 4,5 ming yo‘lovchi tashilgan. Qo‘shimcha reyslarning yo‘lga qo‘yilishi barqaror talab bilan bog‘liq.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
