АЛ-КУВАЙТ, 17 октябрь. /"Дунё" АА/. Мамлакатимиз элчихонаси кўмагида Ўзбекистон Инвестициялар, саноат ва савдо вазирлиги, "Ўзкимёсаноат" компанияси вакиллари ҳамда Кувайтнинг "EPSCO" компанияси бошқарув кенгаши раиси Алаа Ҳасан ўртасида онлайн учрашув ташкил этилди, деб хабар қиляпти "Дунё" АА мухбири.



Унда Ўзбекистон ва Кувайт ўртасида инвестициялар алмашувини фаоллаштириш, "EPSCO" компаниясининг юртимизда қўшма лойиҳаларни амалга ошириш имкониятлари  муҳокама қилинди.

 Кувайт томони учун Ўзбекистоннинг савдо-иқтисодий ва инвестициявий салоҳияти ҳақида тақдимот ўтказилди.  

 "EPSCO" компанияси раҳбарияти тиббий саноат учун этанол, санитария ва дезинфекция маҳсулотлари ишлаб чиқариш ҳамда кимё саноатида ҳамкорлик қилишга қизиқиш билдирди.

Музокаралар якунида таклиф этилган лойиҳалар билан бевосита таниш мақсадида компания делегациясининг Ўзбекистонга ишчи сафарини ташкил этиш келишиб олинди.