Яқин Шарқдаги ҳарбий вазиятнинг кескинлашуви минтақада ҳаво ҳудудларининг қисман ёпилишига олиб келди. Оқибатда, 28 февралдан бошлаб Дубай, Шаржа, Доҳа, Мадина, Жидда, Теҳрон, Қувайт ва Тел-Авив каби шаҳарларга парвозлар тўлиқ тўхтатилди.

Юзага келган ушбу ҳолат 1 681 нафар юртдошимизга бевосита таъсир кўрсатди – айнан шунча Ўзбекистон фуқароси 2 мартга қадар ўз йўналишлари бўйича уча олмади.

Ўзбекистонликларни зудлик билан ва хавфсиз тарзда ватанга қайтариш мақсадида, Президент Шавкат Мирзиёевнинг тўғридан-тўғри топшириғига биноан Форс кўрфази давлатларидан кенг кўламли эвакуация дастури ишга туширилди. Барча ҳаракатлар Транспорт вазирлиги ҳамда авиаташувчилар томонидан қатъий мувофиқлаштирилмоқда, «Ўзавиация» агентлигида эса узлуксиз ишловчи тезкор штаб ўз фаолиятини бошлаган.

Штаб ишининг дастлабки натижалари:

Жидда ва Мадинадан 4 948 кишини Ўзбекистонга муваффақиятли олиб келган 21 та махсус рейс ташкил этилди.

Яна 235 нафар фуқаро Дубайдан эсон-омон юртимизга қайтарилди.

Тушунмовчиликларнинг олдини олиш мақсадида барча йўловчилардан парвоз вақти ва ҳолати ҳақидаги энг сўнгги маълумотларни ўзлари чипта харид қилган авиакомпаниялар вакилларидан билиб боришлари сўралади.