АР-РИЁЗ, 16 июль. /"Дунё" АА/. Саудия Арабистонининг оммабоп "Sahm News" газетасида "Ўзбекистон ва КАДҲК: стратегик ҳамкорлик ривожланмоқда" сарлавҳали мақола чоп этилди, деб хабар қилмоқда "Дунё" АА мухбири.

Унда Ўзбекистон ва Кўрфаз араб давлатлари ҳамкорлик кенгаши (КАДҲК) мамлакатлари ўртасидаги алоқаларнинг сўнгги йилларда сезиларли даражада ривожлангани таъкидланган. 

Материалда ёзилишича, Ўзбекистон ташқи сиёсатда КАДҲК мамлакатлари билан иқтисодий ва дипломатик ҳамкорликни кенгайтиришга алоҳида эътибор қаратмоқда.

"Саудия Арабистони, БАА, Қатар ва Кувайт каби Кўрфаз давлатлар Ўзбекистоннинг энергетика, инфраструктура, туризм ва бошқа стратегик секторларига инвестиция киритяпти, – дейилган мақолада. – Бу ҳамкорлик ўз навбатида, икки томонлама савдо ҳажмини оширишга ва барқарор ривожланишга хизмат қилмоқда".

Нашрда, шунингдек, Ўзбекистон ва КАДҲК мамлакатлари маданий ва маърифий ҳамкорликни мустаҳкамлаш, туризмни ривожлантириш ҳамда академик алмашинувларни кенгайтиришга жиддий киришгани урғуланган.

"Умуман олганда, Ўзбекистон КАДҲК билан стратегик шерикликни мустаҳкамлаб, минтақавий ва халқаро майдонда ўз ўрнини мустаҳкамламоқда", – деб ёзган "Sahm News" газетасида босилган мақоласида.