ПЕКИН, 7 сентябрь. /"Дунё" АА/. Хитойнинг "Шелковый путь-ревю" журналида "Ўзбекистон ва Хитой: глобал ўзгаришлар даврида стратегик шериклик" сарлавҳали мақола чоп этилди, деб хабар беради "Дунё" АА мухбири.

Нашрда таъкидланишича, ХХI аср халқаро муносабатларида нафақат иқтисодий манфаатларни бирлаштирибгина қолмай, балки бутун минтақалар учун янги йўриқномаларни шакллантирадиган иттифоқлар мисоллари мавжуд. Сўнгги йилларда ҳамкорлиги янги даврда ҳар томонлама ҳар томонлама стратегик шериклик мақомига эга бўлган Ўзбекистон ва Хитой ўртасидаги ўзаро ҳамкорлик ана шундай мисоллардан биридир.

"2024 йил январь ойида Ўзбекистон Президенти Шавкат Мирзиёев давлат ташрифи билан Пекинда бўлиб, Хитой Раиси Си Цзиньпин билан учрашди. Кейин энергетика, саноат, гуманитар алоқаларни ривожлантиришга оид 40 дан ортиқ ҳужжат имзоланди ва 2025 йилнинг ёзида икки давлат раҳбарлари Остонада яна музокаралар ўтказди ва ўзаро ишончнинг мисли кўрилмаган даражасини таъкидлади", – деб ёзилган нашр.

Хабар қилинишича, ушбу ташрифлар тизимли мулоқотга асос солган: ташқи ишлар вазирларининг стратегик маслаҳатлашувлари формати ишга туширилди, минтақалараро алмашинувлар сезиларли даражада фаоллашди. Шу тариқа, 2025 йил июнь ойида Самарқанд шаҳрида иккинчи Ўзбекистон-Хитой ҳудудлараро форуми бўлиб ўтди ва бу икки давлат ўртасидаги ҳамкорлик нафақат пойтахтлар билан чекланиб қолмаслиги, балки минтақаларга ҳам чуқур кириб боришини кўрсатди.

Қайд этилганидек, Хитой бир неча йиллардан бери Ўзбекистоннинг энг йирик савдо-иқтисодий ҳамкори унвонини сақлаб келмоқда. 2023 йилда ўзаро товар айирбошлаш ҳажми 13 миллиард доллардан ошган бўлса, 2024 йилда бу кўрсаткич 14 миллиард долларга етди. 

Мақолада ёзилишича, келгуси йиллардаги мақсад 20 миллиард доллар ва ўсиш суръатларини ҳисобга олсак, бу реал кўринади. "Инвестициялар ҳамкорликнинг стратегик хусусиятини тасдиқлайди. Жумладан, қўшма лойиҳалар портфели 60 миллиард доллардан ошди, биргина 2024 йилда Ўзбекистон иқтисодиётига 10 миллиард доллардан ортиқ, 2025 йилнинг биринчи ойларида эса 3 миллиард АҚШ долларидан ортиқ сармоя киритилди. Мамлакатда Хитой капитали иштирокида 4 мингга яқин корхона фаолият юритмоқда, уларнинг 800 дан ортиғи ўтган йили ташкил этилган", – дея урғуланган нашрда.

Икки давлат ўртасидаги ҳамкорлик иқтисодиёт доирасидан ҳам четга чиқади. Хитой техник ва гуманитар ёрдам, жумладан, тиббий ва таълим жиҳозларини етказиб беради.

Маълум қилинишича, 2026 йилда гуманитар ҳамкорликка янги жиҳат қўшадиган маданият ва санъат ҳафталикларини ўтказиш режалаштирилган.

Мақола "Бугун биз ишонч билан айтишимиз мумкинки, Тошкент ва Пекин иттифоқи янги Евроосиёнинг асосий таянчларидан бирига айланди. Бу ҳамкорлик бугунги куннинг прагматикаси билан чекланиб қолмайди – у глобал координаталар тизимида Марказий Осиё келажагини белгиловчи стратегик векторни ташкил этади", – деб ёзилган мақола хулосасида.