ПАРИЖ, 10 июнь. /“Дунё” АА/. Ўзбекистон Гидрометеорология хизмати агентлиги (“Ўзгидромет”) ва Франциянинг “Météo-France International” ташкилоти ўртасида стратегик шериклик тўғрисида келишув имзоланди, деб хабар бермоқда “Дунё” АА мухбири.

Мазкур ҳужжат иқлим ўзгаришига мослашишни кучайтириш ва мамлакат гидрометеорология тизимини модернизация қилишга қаратилган.

Шунингдек, ушбу ҳамкорлик доирасида “Ўзгидромет”нинг гидрометеорология инфратузилмасини комплекс модернизация қилиш, замонавий технологияларни жорий этиш ва уларни интеграциялаш, кадрлар салоҳиятини юксалтириш, об-ҳаво ўзгаришларини бошқариш ҳамда техник хизмат кўрсатиш каби йўналишларда ҳамкорлик қилиш кўзда тутилган.