ЛИССАБОН, 9 апрель. /“Дунё” АА/. Ўзбекистон ташқи ишлар вазири Бахтиёр Саидов Ўзбекистон-Португалия бизнес форумида иштирок этди, деб хабар бермоқда “Дунё” АА мухбири.

“Португалиянинг етакчи компаниялари ва инвестиция доиралари вакиллари – Ўзбекистон билан ҳамкорлик қилиш истагини билдирган дўстларимизни Ўзбекистон-Португалия бизнес-форумида кўришдан мамнун бўлдик, , – деб ёзди Ўзбекистон ТИВ раҳбари ўзининг telegram-каналида. – Глобал иқтисодиётдаги ўзгаришлар шароитида барқарор таъминот занжирларини шакллантириш, инвестиция муҳитини яхшилаш ва ҳудудлараро ҳамкорликни ривожлантириш муҳимлигини қайд этдик.

Муҳандислик, қишлоқ хўжалиги, энергетика, транспорт, туризм, ахборот технологиялари соҳаларида ҳамкорликни чуқурлаштириш учун кучли салоҳият мавжудлигини кўрмоқдамиз.

Форум иқтисодиётларимизнинг бир-бирини тўлдирувчи кучли жиҳатларини юзага чиқарди ҳамда барқарор, инновацияга йўналтирилган ҳамкорликни ривожлантиришга бўлган умумий қизиқишларимизни намоён этди.

Бизнес-форумни ташкил этишда кўрсатган кўмаги учун Португалия саноат ассоциацияси вице-президенти Ж.Паиш жанобларига ўз миннатдорлигимизни билдирамиз”.

“Дунё” АА олган сурат