Ўзбекистон Президенти амалий ташриф билан Туркияга келди
Октябрь 29, 2026. 19:13 • 57 сония
• 123
ТОШКЕНТ, 29 октябрь. /“Дунё” АА/. Туркия Президенти Режеп Таййип Эрдоғаннинг таклифига биноан Ўзбекистон Президенти Шавкат Мирзиёев рафиқаси ҳамроҳлигида амалий ташриф билан бугун Анқара шаҳрига келди, деб хабар бермоқда “Дунё” АА мухбири.
Давлатимиз раҳбари матбуот хизмати маълумотига кўра, “Этимесгут” аэропортида Ўзбекистон Президентини Туркия вице-президенти Жавдат Йилмаз ва бошқа расмийлар кутиб олди.
Шу кунларда Ўзбекистон етакчиси Туркий давлатлар ташкилотининг навбатдаги саммити тадбирларида иштирок этади.
“Туркий аср: тилда, фикрда ва ишда бирлик” шиори остида ўтадиган анжуман кун тартибидан устувор йўналишлардаги кўп томонлама ҳамкорликни янада мустаҳкамлаш масалалари ўрин олган.
Саммит якунлари бўйича Анқара декларацияси ҳамда ташкилот доирасида амалий шерикликни янада кенгайтиришга қаратилган битимлар тўплами қабул қилинади.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон Президенти Туркий давлатлар ташкилотининг навбатдаги саммитида иштирок этади
Ўзбекистон Президенти поездлар тўқнашуви оқибатида кўплаб инсонлар ҳалок бўлгани ва жароҳат олгани муносабати билан Испания Қироли Фелипе VI номига ҳамдардлик йўллади
Ўзбекистон Президенти соғлиқни сақлаш соҳасидаги йирик инвестиция лойиҳаларининг боришини кўриб чиқди
