Ўзбекистон Президенти АҚШнинг йирик инвестиция компанияси делегациясини қабул қилди
Июль 07, 2026. 18:28 • 1 дақ
• 30
ТОШКЕНТ, 7 июль. /“Дунё” АА/. Ўзбекистон Президенти Шавкат Мирзиёев бугун “BlackRock” компанияси директорлар кенгаши аъзоси ва катта бошқарувчи директори Адебайо Огунлесини қабул қилди, деб хабар бермоқда “Дунё” АА мухбири.
Давлатимиз раҳбари матбуот хизмати маълумотига кўра, учрашувда стратегик шерикликни, аввало, ёқилғи-энергетика соҳасида янада мустаҳкамлашнинг долзарб масалалари кўриб чиқилди. Компаниянинг Ўзбекистондаги лойиҳалари фаол амалга оширилаётгани мамнуният билан қайд этилди.
Давлатимиз раҳбари “BlackRock” компанияси билан ҳамкорликнинг устувор йўналишларини белгилаб берди. Хусусийлаштириш соҳасида шерикликни кенгайтириш, мамлакатимизнинг инвестициявий жозибадорлигини ошириш, молия бозорини ривожлантириш, нефть-кимё тармоғидаги лойиҳаларни илгари суриш ҳамда сунъий интеллект технологияларига қўшма инвестиция киритиш шулар жумласидан.
“BlackRock” активлар ва жамғармаларни бошқариш ҳамда молиявий хизматлар кўрсатишга ихтисослашган йирик инвестиция компаниясидир. 2026 йилда компания бошқарувидаги активлар ҳажми 14 триллион долларга етди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон Президенти давлат бошқарувида ягона рақамли платформани жорий этиш чора-тадбирларини маъқуллади
Президент Шавкат Мирзиёевнинг Ислом цивилизацияси I Халқаро форуми иштирокчиларига мурожаати
