МАСКАТ, 9 декабрь. /“Дунё” АА/. Ўзбекистон элчиси Абдусалом Хатамов Ўмон меҳнат вазири Маҳад Баавин билан учрашди, деб хабар бермоқда “Дунё” АА мухбири.

Учрашувда вазир унга кўрсатилган эътибор ва жорий йилнинг 23-25 июнь кунлари Самарқанд шаҳрида бўлиб ўтган БМТ Давлат хизмати форуми доирасида юқори даражадаги учрашувлар ташкил этилгани учун Ўзбекистоннинг тегишли идораларига самимий миннатдорлик билдирди.

Мулоқот давомида соҳага масъул раҳбарларнинг ўзаро ташрифларини ташкил этиш масалалари муҳокама қилинди. Ўзбекистон–Ўмон муносабатларини ривожлантириш ва давлат хизмати учун кадрлар тайёрлаш соҳасида ҳамкорликни йўлга қўйиш ҳамда тажриба алмашиш муҳимлиги таъкидланди.