МАСКАТ, 30 ноябрь. /“Дунё” АА/. Ўзбекистон элчиси Абдусалом Ҳотамов Ўмон соғлиқни сақлаш вазири Ҳилол ал-Сабти билан учрашув ўтказди, деб хабар бермоқда “Дунё” АА мухбири.

Мулоқот жараёнида икки давлат ўртасида соғлиқни сақлаш соҳасидаги амалдаги ҳамкорлик алоқалари мустаҳкамлаш, тиббий тайёргарликни юксалтириш, кадрлар салоҳиятини ошириш, тажриба алмашиш ва тизимни ривожлантиришга қаратилган ҳужжатларни имзолаш масалалари муҳокама қилинди.

Икки мамлакатнинг ихтисослаштирилган илмий-амалий тиббиёт марказлари ўртасида тажриба алмашиш ва биргаликда лойиҳалар ишлаб чиқиш борасида фикр-мулоҳаза алмашилди.

Учрашув якунида ўзаро шерикликни янада мустаҳкамлашга қаратилган ташаббуслар кўриб чиқилиб, тегишли чора-тадбирлар белгиланди.