Ашхободдаги учрашувда Бахтиёр Саидов Туркманистон Президентига Ўзбекистон Президентининг самимий саломи ва эзгу тилакларини етказди
Июль 15, 2026. 09:30 • 2 дақ
• 117
ТОШКЕНТ, 15 июль. /“Дунё” АА/. Ашхободда ташриф билан бўлиб турган Ўзбекистон ташқи ишлар вазири Бахтиёр Саидов Туркманистон Президенти Сердар Бердимуҳамедов билан учрашди, деб хабар қилмоқда “Дунё” АА мухбири.
“Ашхобод шаҳрида Туркманистон Президенти Сердар Бердимуҳамедов Жаноби Олийлари томонидан қабул қилинганимиздан мамнунмиз, – деб ёзди Ўзбекистон ТИВ раҳбари ўзининг telegram-каналида. – Ўзбекистон Республикаси Президенти Шавкат Мирзиёев Жаноби Олийларининг самимий саломи ва эзгу тилакларини етказдик.
Учрашувда Ўзбекистон–Туркманистон стратегик шериклигини жадал ривожланаётганини қайд этдик. Барча даражаларда яқин ва самарали алоқалар давом эттирилмоқда. Товар айирбошлаш ҳажми барқарор суръатда ўсмоқда.
Ўзбекистон ва Туркманистон ўртасидаги кўп асрлик дўстлик ва яхши қўшничилик муносабатларини янада чуқурлаштириш йўлида биргаликдаги саъй-ҳаракатларимизни давом эттирамиз”.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ашхободда Ўзбекистон ва Туркманистон ташқи ишлар вазирлари раҳбарлигида икки томонлама сиёсий маслаҳатлашувларнинг навбатдаги давраси бўлиб ўтди
