ПЕКИН, 7 август. /“Дунё” АА/. Хитой пойтахтидаги 14 та истироҳат боғида турли русумдаги янги “ходимлар” – роботлар пайдо бўлди, деб хабар бермоқда “Дунё” АА мухбири.

Хитойнинг “Синьхуа” ахборот агентлиги маълумотларига кўра, роботлар ҳудудни тозалаш, ақлли патруллик, ташриф буюрувчиларга маслаҳат бериш, сувда қутқариш, кўкаламзорлаштирилган майдонларни парваришлаш ва экологик мониторинг каби турли вазифаларни бажаришга киришган.

Шу тариқа, интеллектуал хизмат кўрсатиш аста-секин ижтимоий ҳаётнинг ажралмас қисмига айланиб бормоқда, дея хулоса қилади агентлик.