Тошкентда Ўзбекистон ва Кипр ташқи ишлар вазирларининг музокаралари бўлиб ўтди
Июнь 06, 2026. 23:00 • 57 сония
• 62
ТОШКЕНТ, 6 июнь. /“Дунё” АА/. Ўзбекистон ташқи ишлар вазири Бахтиёр Саидов мамлакатимизга ташриф буюрган Кипр ташқи ишлар вазири Константинос Комбос билан бугун учрашди, деб хабар бермоқда “Дунё” АА мухбири.
“Кипр Республикаси ташқи ишлар вазири Константинос Комбос билан Тошкентда кўришишдан мамнунмиз, – деб ёзди Ўзбекистон ТИВ раҳбари ўзининг telegram-каналида. – Музокаралар чоғида Ўзбекистон–Кипр муносабатларини янада ривожлантириш масалаларини муҳокама қилдик. Савдо ва инвестициялар, транспорт-логистика, ишбилармон доиралар ўртасидаги алоқаларни кенгайтириш ҳамда қўшма ташаббусларни амалга ошириш имкониятларига алоҳида эътибор қаратдик.
Минтақавий ва халқаро кун тартибидаги долзарб масалалар юзасидан фикр алмашдик”.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
