ТДТ саммитида Ўзбекистон ташаббуслари туркий дунёнинг рақамли интеграциясида янги босқични бошлайди
Май 16, 2026. 15:30 • 2 дақ
• 22
БИШКЕК, 16 май /“Дунё” АА/. Қирғизистон Миллий фанлар академияси Давлат ва ҳуқуқ институти директори, сиёсий фанлар доктори, профессор Токон Мамитов “Дунё” ААга Ўзбекистон Президентининг шу йил 15 май куни Туркистон шаҳрида бўлиб ўтган Туркий давлатлар ташкилотининг норасмий саммитидаги иштироки юзасидан фикр билдирди:
– Сўнгги йилларда Туркий давлатлар ташкилоти (ТДТ) минтақада иқтисодий ривожланишнинг янги моделини шакллантириш ва кенг кўламли ислоҳотларни амалга оширишда муҳим ўрин тутмоқда. Бу борада Ўзбекистон Президенти томонидан ТДТни ривожлантириш юзасидан илгари сурилаётган таклиф ва ташаббуслар алоҳида аҳамият касб этмоқда.
Ўзбекистон 2019 йилдан буён ТДТ истиқболли ривожланиши бўйича юздан ортиқ амалий ташаббусни илгари сурди. Уларнинг учдан икки қисми аллақачон амалга оширилди – рақамли транспорт йўлакларидан тортиб ягона “e-Permit” тизимигача.
Бу шунчаки статистика эмас, балки логистиканинг ҳақиқий соддалашуви, ўзаро савдо ҳажмининг 10,8 миллиард доллардан ошиши, бизнес ва фуқаролар учун аниқ лойиҳалар демакдир.
Асосий ютуқ – Туркий инвестиция жамғармасининг ташкил этилгани (2023–2024 йиллар) бўлди. Ўзбекистоннинг фаол позициясисиз бу лойиҳа, эҳтимол, узоқ истиқболга қолиб кетган бўлар эди. Бугунги кунда жамғарма энергетика, транспорт ва агросектордаги қўшма корхоналарни молиялаштирмоқда.
Туркистон шаҳрида бўлиб ўтган саммит протокол жиҳатидан эмас, балки мазмун нуқтаи назаридан муҳимдир. Биз сунъий интеллект соҳаси, IT-кадрлар тайёрлаш ва умумий технологик маконни шакллантириш бўйича амалий қарорларга ўтилишини кутмоқдамиз.
Шу билан бирга, ТДТ очиқ тузилмадир. Туркий ҳамкорлик – бу бошқа ҳамкорлик форматларини алмаштирмайдиган, балки уларни тўлдирувчи ихтиёрий ва прагматик шерикликдир.
Ўзбекистоннинг 2022 йилда бошланган раислиги якунларига келсак, унинг асосий натижаси институционаллашув бўлди. Илк бор аниқ концепциялар ва чора-тадбирлар режаси ишлаб чиқилди, барча даражаларда юздан ортиқ учрашув ўтказилди.
Тизимли ёндашув ТДТ фаолиятининг ўзига хос белгисига айланди. Туркистон саммитида Ўзбекистон бутун туркий дунёга қўшимча туртки берадиган янги аниқ таклифлар билан иштирок этди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Москвадан муносабат: Ўзбекистон Президенти ташаббуслари ТДТда қўшма рақамли лойиҳаларни амалга оширишга катта ҳисса қўшади
Бокудан муносабат: Ўзбекистоннинг ТДТдаги ташаббуслари ташкилот доирасидаги ҳамкорликни амалий ва аниқ натижаларга йўналтирмоқда
