ТОШКЕНТ, 21 июль. /“Дунё” АА/. 2025/2026 ўқув йили бошида Ўзбекистон олий таълим муассасаларида таҳсил олаётган талабалар сони 1 миллион 535 минг нафарга етди, деб хабар бермоқда “Дунё” АА мухбири.

Миллий статистика қўмитаси маълумотларига кўра, 1991/1992 ўқув йилида талабалар сони 337,4 минг кишини ташкил этган. Мустақилликнинг 35 йили давомида ушбу кўрсаткич 1 миллион 197,6 минг кишига ёки қарийб 4,6 бараварга ошди.

Ҳисобот кўрсаткичларига кўра, ўқув йиллари бўйича талабалар сонининг динамикаси қуйидагича намоён бўлади:

1991/1992 — 337,4 минг киши;

1995/1996 — 192,1 минг;

2000/2001 — 183,6 минг;

2005/2006 — 278,7 минг;

2010/2011 — 274,5 минг;

2015/2016 — 264,3 минг;

2020/2021 — 571,5 минг;

2021/2022 — 808,4 минг;

2022/2023 — 1 млн 42,1 минг;

2023/2024 — 1 млн 314,5 минг;

2024/2025 — 1 млн 432,8 минг;

2025/2026 — 1 млн 535 минг киши.

Талабалар сонининг айниқса юқори ўсиш суръатлари 2020 йилдан буён кузатилмоқда, бу эса мамлакатда олий таълим олиш имкониятларини кенгайтириш, олийгоҳлар сони ва таълим дастурларини кўпайтириш бўйича амалга оширилаётган ислоҳотларни акс эттиради.

Экспертларнинг фикрича, мустақиллик йилларида Ўзбекистон олий таълим тизими сезиларли даражада ривожланди. Талабалар контингентининг қарийб беш бараварга кўпайиши инсон капиталини ривожлантириш, олий таълимнинг оммабоплигини ошириш ҳамда мамлакат иқтисодиёти учун малакали кадрлар тайёрлаш бўйича изчил давлат сиёсати олиб борилаётганидан далолат беради.