Ўзбекистон Президенти Туркия етакчисига Денизли вилоятидаги автобус ҳалокатга учраши оқибатида инсонлар қурбон бўлгани ва жароҳат олгани муносабати билан ҳамдардлик билдирди
Июнь 01, 2026. 08:05 • 56 сония
• 185
ТОШКЕНТ, 1 июнь. /“Дунё” АА/. Ўзбекистон Президенти Шавкат Мирзиёев Туркиянинг Денизли вилоятида йўловчи автобуси ҳалокатга учрагани оқибатида инсонлар қурбон бўлгани ва жароҳат олгани муносабати билан Президент Режеп Таййип Эрдоғанга таъзия йўллади, деб хабар бермоқда “Дунё” АА мухбири давлатимиз раҳбари матбуот котиби Шерзод Асадовнинг telegram-каналига таяниб.
“Давлатимиз раҳбари ҳалок бўлганларнинг оила аъзоларига чуқур ҳамдардлик изҳор этиб, жароҳатланганлар тез фурсатларда шифо топишини тилади”, - дейилган хабарда.
ОАВ маълумотларига кўра, 31 май куни Туркия сайёҳлик компанияси автобуси Денизли-Айдин шоссесидаги тўсиққа бориб урилган. Ҳодиса оқибатида 8 киши ҳалок бўлган, 30 дан ортиқ киши эса тан жароҳати олган.
“Haberler.com” порталидан олинган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
